راجستھان حکومت سے ممانعت ایکٹ بنانے کا مطالبہ

تحفظ ناموس رسالت بورڈ نے راجستھان حکومت سے ممانعت ایکٹ بنانے کا مطالبہ کیا یے۔ اس کے پیش نظر تحفظ ناموس رسالت بورڈ کے متعدد عہدیداران نے راجستھان حکومت میں اقلیتی وزیر صالح محمد سے ملاقات کی۔

راجستھان میں تحفظ ناموس رسالت بورڈ کی جانب سے حکومت سے ممانیت ایکٹ بنانے کا مطالبہ کیا گیا ہے۔ اس مطالبے سے متعلق تحفظ ناموس رسالت بورڈ کے عہدیداران نے راجستھان حکومت میں اقلیتی وزیر صالح محمد سے ملاقات کی۔

اس دوران تحفظ ناموس رسالت بورڈ کے عہدیداران نے راجستھان کے وزیراعلیٰ اشوک گہلوت کے نام ایک میمورنڈم صالح محمد کو سونپا، جس کے ذریعے ممانیت ایکٹ لانے کا مطالبہ کیا گیا تھا۔

راجستھان مدرسہ بورڈ کے سابق چیئرمین مولانا فضل الحق نے میڈیا سے گفتگو کرتے ہوئے کہا کہ آج چند لوگوں نے ملک بھر میں رسولﷺ کی شان گستاخی کرنے کا ٹرینڈ چلا رکھا ہے، جس سے ملک میں گنگا جمنی تہذیب کو نقصان ہورہا ہے۔ اسی کے پیش نظر ہم لوگوں نے آج راجستان کے وزیراعلی اشوک گہلوت کے نام ایک میموریڈم اقلیتی وزیر سے محمد صالح کو پیش کیا ہے۔

انہوں نے کہا کہ پورے ملک سے علماء آج یہاں پر آئے ہیں، راجستھان سے بھی کئی علماء کرام شرکت کیے ہیں، ہم تمام لوگ وزیر اعلی اشوک گہلوت سے یہ اپیل کرتے ہیں کہ اسمبلی میں ممانیت ایکٹ جلد از لایا جائے۔

وہیں رضا اکیڈمی کے چیئرمین سعید نوری نے کہا کہ آج ہمارے بزرگان دین کے لئے نازیبا زبان کا استعمال کیا جارہا ہے جو غلط ہے، اگر ممانیت ایکٹ کا نفاذ کیا جائے گا تو ایسا ہرگز نہیں ہوگا۔