ہندو سینا کے قومی صدر کے خلاف کارروائی کا مطالبہ

دہلی میں اسلامک کلچر سینٹر پر لگائے گئے ہندو سینا کی جانب سے پوسٹرز کی مخالفت ریاست راجستھان میں تیز ہوگئی۔

راجستھان میں کانگریس کمیٹی اقلیتی شعبہ کے کوآرڈینیٹر محسن رشید کا کہنا ہے کہ جس طرح کا معاملہ دہلی میں پیش آیا اس کے مدنظر یہی کہا جاسکتا ہے کہ مسلمانوں کو بڑھانے کی کوشش کی جا رہی ہے۔ اور میرا ماننا ہے کہ دہلی پولیس کو سخت کارروائی کرتے ہوئے ہندو سینا کے قومی صدر کے خلاف فورا مقدمہ درج کرنا چاہیے۔

ان کا کہنا ہے کی کچھ تنظیمیں اور کچھ نیوز چینل اس پورے معاملے کی غلط معلومات لوگوں کو فراہم کروا رہے ہیں۔

محسن رشید نے فرانس کے صدر پرنکتہ چینی کرتے ہوئے کہا کہ فرانس کے صدر کو چاہیے تھا کہ وہ قتل اور کارٹون دونوں ہی معاملے سے متعلق کوئی سخت کارروائی کرتے لیکن انہوں نے بھی کارٹون والے معاملے کی حمایت کی اور آج حالات آپ سبھی لوگوں کے درمیان ہیں اس لیے آج جو مسلمان احتجاجی مظاہرہ کر رہے ہیں وہ اسی بات پر کر رہے ہیں ۔ انہوں نے کہا کہ اس پورے معاملے کو اچھی طرح سمجھنے کی ضرورت ہے۔