راجستھان کے ضلع جئے پور میں پاپولر فرنٹ آف انڈیا کے ریاستی صدر کے مطابق آج کورٹ کی جانب سے جو فیصلہ سنایا گیا ہے وہ کافی شرمناک ہے۔
پی ایف آئی کے ریاستی صدر محمد آصف نے اس تعلق سے کہا ہے کہ جس طرح سے بابری مسجد کی شہادت ایک منصوبہ بند سازش تھی اسی طرح سے آج جو فیصلہ سنایا گیا وہ بھی پہلے سے طئے شدہ تھا۔
محمد آصف کا کہنا ہے کہ کورٹ کی جانب سے دیا گیا آج کا یہ فیصلہ بھارت کی آزادی اور جمہوریت کے لیے خطرناک ثابت ہو سکتا ہے۔
محمد آصف کا کہنا ہے کہ اس سے قبل اس معاملے میں 9 نومبر کو بابری مسجد کے تعلق سے جو فیصلہ سپریم کورٹ کی جانب سے دیا گیا تھا اس میں بھی صاف طور پر کہا گیا تھا کہ بابری مسجد کو شہید کیا گیا ہے۔
ریاستی صدر کے مطابق اس معاملے میں لبراہن کمیشن نے جو رپورٹ دی تھی اس میں سنگھ پریوار سے جڑے 68 لوگوں کا ذکر کیا گیا تھا لیکن ان سب کے باوجود اس طرح کا فیصلہ سنایا گیا ہے جو کہ ایک طرح سے انصاف کا قتل کرنے جیسا ہے۔
محمد آصف کا کہنا ہے کہ عوام سے اپیل ہے کہ وہ اس طرح کے فیصلے سے مایوس نہیں ہوں بلکہ کھل کر اس بات کی مخالفت کریں اور نا انصافی کے خلاف جنگ لڑیں۔