وزیراعظم سے مدد کی اپیل

چین کے شہر شنجیانگ میں پھنسے راجستھان اور گجرات کے دو نوجوانوں نے وزیر اعظم نریندر مودی سے مدد کی اپیل کی ہے۔

پیوش شرما اور پریش چودھری نامی نو جوان نے ایک ویڈیو بنا کر وزیر اعظم نریندر مودی سے اپیل کی ہے کہ انہیں جلد از جلد چین سے باہر نکا لنے میں ان کی مدد کی جائے۔

گجرات کے بناس کانٹھا کے رہنے والے پیوش شنجیانگ میں ایم بی بی ایس کی تعلیم حاصل کر رہے ہیں۔

پیوش کا کہنا ہے کہ کورونا وائرس کے بڑھتے ہوئے اثرات کی وجہ سے وہاں کے حالات روز بروز خراب ہوتے جا رہے ہیں، آئے دن لوگوں کی موت ہو رہی ہے۔ وہ اپنے گھر جانے کے لئے جہاز بک کراتے ہیں، مگرجہاز منسوخ ہوجاتا ہے۔

ویڈیو میں انہوں نے کہا کہ مودی حکومت یہاں پھنسے بھارتی شہریوں کو نکالنے میں مصروف ہے مگر ابھی صرف ہوانگ اور اس کے قرب و جوار کے اہم شہروں پر ہی توجہ دی جا رہی ہے۔

شنجیانگ اور اس کے علا وہ دیگر شہروں میں کثیر تعداد میں بھارتی نو جوان پھنسے ہوئے ہیں اور ان لوگوں کی جان خطرے میں ہے۔

اس ویڈیو میں دونوں نوجوان اپنے ہاتھوں کو جوڑکر مودی حکومت سے مدد کی درخواست کرتے دکھائی دے رہے ہیں۔

اس ویڈیو میں نوجوان کہہ رہے ہیں کہ ان کی یونیورسٹی میں تقریبا 400 ہندوستانی طلبا زیر تعلیم ہیں اور بڑی تعداد میں طلبا جا چکے ہیں مگر ابھی بھی 25 طلبا یہاں پھنسے ہوئے ہیں، ان تمام طلبا کے سر پرست کافی پریشان ہیں۔

ان دو طلبا نے سب سے پہلےویڈیو بنا کر اپنے والدین کو بھیجا تھا، یہ ویڈیو آج کل الور سمیت ملک کے دیگر علاقوں میں سوشل میڈیا پر کافی تیزی سے وائرل ہو رہا ہے ۔

ای ٹی وی بھارت اس ویڈیو کی تصید یق نہیں کرتا ۔