کورونا متاثرین کے معالج کیا کہتے ہیں

عالمی وباء کورونا وائرس کے درمیان جس طرح سے ڈاکٹرز نے اپنی خدمات انجام دی ہیں، اس کے اعتراف سے کسی کو انکار نہیں ہے۔

ریاست راجستھان کے دارالحکومت جے پور کے ڈاکٹرز اس سلسلے میں اپنے تجربات بتاتے ہیں۔

ڈاکٹر نیہا نے ای ٹی وی بھارت سے خاص بات چیت کے دوران بتایا کہ ہماری نوکری تو روزانہ ہی کرتے ہیں لیکن پہلی مرتبہ ایسا لگا کی ہم ملک کے لیے اپنی خدمات انجام دے رہے ہیں۔

انہوں نے کہا کہ جب کورونا وباء نے دستک دی تھی تو ہمارے لیے یہ کافی مشکل تھا کہ ہم لوگوں کو گھروں سے نکال کر کورنٹائین کریں ، ان کی جانچ کریں اور ان کو آیسولیشن میں رہنے کے لیے تیار کریں

انہوں نے کہا کہ اس وباء کے درمیان مجھے بہت کچھ سیکھنے کا موقع ملا، لوگوں کو سمجھانے میں کافی دقت ہو رہی تھی۔ تاہم جب ہم لوگوں نے ان کو پیار سے سمجھایا تو وہ لوگ بھی مان گئے۔

وہیں ڈاکٹر محمد حسین کا کہنا ہے مساجد کے امام، سماجی کارکن سمیت دیگر لوگوں نے جس طرح سے ہم لوگوں کا تعاون کیا اس بات کو ہماری زندگی میں کبھی نہیں بھلا سکتے ہیں۔