'راجستھان میں کورونا کے معاملے کنٹرول میں'

راجستھان کے وزیراعلیٰ اشوک گہلوت نے ریاست میں عالمی وبا کورونا انفکشن کو قابو میں بتاتے ہوئے کہا کہ ریاست میں اب اس کے مریضوں کے ٹھیک ہونے کی شرح 70فیصد سے زیادہ ہوگئی ہے۔

گہلوت نے آج سوشل میڈیا کے ذریعہ کہا کہ ریاستی حکومت کے ذریعہ کورونا کے تدارک کے لئے مسلسل ہورہی کوششوں کے نتیجے میں کورونا انفکشن قابو میں ہے۔

یہاں متاثرین کے دوگنے ہونے کی شرح بھی 18روز سے بڑھ کر 20دن ہوگئی ہے۔

قابل ذکر ہے کہ ریاست میں ہفتہ کی صبح تک کورونا کے دس ہزار 128 معاملے سامنے آچکے ہیں۔

جن میں سات ہزار 384 مریض صحت یاب بھی ہوچکے ہیں۔اس سے ٹھیک ہونے والوں کی شرح 72.91 پر پہنچ گئی ہے۔

صحت یاب ہوئے مریضوں میں اب تک6855 مریضوں کو اسپتال سے چھٹی بھی دی جاچکی ہے۔

یہاں اب فعال کیسز کی تعداد تقریباً ڈھائی ہزار رہ گئی ہے۔