کانگریس پارٹی کی جانب سے ریاستی سطح پر احتجاج

ریاست راجستھان میں سیاسی کشمکش کے درمیان اب تمام اضلاع کے ہیڈکوارٹر پر کانگریس پارٹی سنیچر کے روز احتجاج کرے گی۔

اس بات کا اعلان خود وزیر تعلیم اور کانگریس پارٹی کے ریاستی صدر گووند سنگھ ڈوٹاسرا نے آج گورنر کی رہائش گاہ کے باہر میڈیا سے بات چیت کے دوران کیا۔

گووند سنگھ ڈوٹاسرا نے کہا کہ موجودہ وقت میں جو عوام کی حکومت ہیں اس حکومت کو گرانے کے لیے جس طرح سے منصوبے بنائے جا رہے ہیں۔ ان منصوبوں کو ناکام کرنے کے لیے ہمارے تمام کانگریس پارٹی کے کارکنان نے احتجاج کرنے کا پروگرام بنایا ہے۔

اس لیے ہفتہ کے روز پورے راجستھان کے ہر ضلع ہیڈکوارٹر پر کانگریس پارٹی کی جانب سے احتجاج کیا جائے گا۔

گووند سنگھ ڈوٹاسرا نے کہا کہ کانگریس کا یہ احتجاج جو لوگ ہماری حکومت کو گرانا چاہتے ہیں۔ ان لوگوں کا پردہ فاش کرنے کے لئے کیا جائے گا۔

انہوں نے کہا کہ اگر ضرورت پڑی تو ہر گاوں اور ہر پنچایت میں اس طرح کا احتجاجی مظاہرہ کیا جائے گا۔

انہوں نے کہا کہ ہمیشہ جمہوریت کی فتح ہوئی ہے۔ اس لیے اس بار بھی جمہوریت کی جیت ہو گی۔

راجستھان کی حکومت دو خیموں میں بٹی ہوئی نظر آ رہی ہے جن میں ایک خیمہ سچن پائلٹ کو اپنی حمایت دے رہا ہے تو وہیں دوسرا خیمہ وزیر اعلی اشوک گہلوت کو اپنی حمایت دیتا ہوا نظر آرہا ہے۔