Congress released Election Committee List کانگریس نے راجستھان اور تلنگانہ اسٹیٹ الیکشن کمیٹی کی فہرست جاری کی

راجستھان کے وزیر اعلی اشوک گہلوت کے ساتھ سچن پائلٹ بھی راجستھان کانگریس کی ریاستی الیکشن کمیٹی کی فہرست میں شامل ہیں۔

نئی دہلی: کانگریس نے تلنگانہ اور راجستھان پردیش الیکشن کمیٹی کی فہرست جاری کردی ہے۔ وزیر اعلی اشوک گہلوت اور سچن پائلٹ دونوں راجستھان کانگریس کی ریاستی الیکشن کمیٹی کی فہرست میں شامل ہیں۔ کانگریس نے جمعرات کو راجستھان کے لیے 29 رکنی ریاستی انتخابی کمیٹی تشکیل دی، جس کی سربراہی ریاستی کانگریس کمیٹی کے صدر گووند سنگھ دوتاسارا کریں گے۔

فہرست میں وزیر اعلیٰ اشوک گہلوت، سابق نائب وزیر اعلیٰ سچن پائلٹ اور دیگر کئی سینئر لیڈروں کو اس کمیٹی میں جگہ دی گئی ہے۔ پارٹی کے تنظیمی جنرل سکریٹری کے سی وینوگوپال کے ذریعہ جاری کردہ ایک ریلیز کے مطابق، کانگریس صدر ملکارجن کھرگے نے راجستھان پردیش کانگریس کمیٹی کے لئے انتخابی کمیٹی کی تشکیل کو منظوری دی۔ اس میں موہن پرکاش، جتیندر سنگھ، رگھویر مینا اور کئی دوسرے سینئر لیڈروں کو جگہ دی گئی ہے۔

کانگریس نے اپنی تلنگانہ یونٹ کے لیے ایک ریاستی الیکشن کمیٹی بھی تشکیل دی ہے جس کی سربراہی پردیش کانگریس کمیٹی کے سربراہ ریونت ریڈی کریں گے۔ تلنگانہ کی الیکشن کمیٹی میں اتم کمار ریڈی، محمد اظہر الدین اور دیگر کئی سینئر قائدین کو شامل کیا گیا ہے۔ اس میں کل 26 ممبران اور بہت سے دیگر سابق ممبران شامل ہیں۔

کانگریس نے راجستھان اسمبلی انتخابات کے پیش نظر پارٹی کے ریاستی صدر گووند سنگھ دوٹاسرا کی صدارت میں 29 رکنی انتخابی کمیٹی تشکیل دی۔

کانگریس کے جنرل سکریٹری کے سی وینوگوپال نے کہا کہ پارٹی صدر ملکارجن کھڑگے نے کمیٹی میں ممبران کے ناموں کو منظوری دی ہے اور تمام ممبران سے کہا ہے کہ وہ فوری اثر سے اپنا کام شروع کریں۔

انہوں نے بتایا کہ کمیٹی میں وزیر اعلیٰ اشوک گہلوت، جتیندر سنگھ، سچن پائلٹ، راگھویر مینا، رامیشور دودی، موہن پرکاش، ڈاکٹر۔ رگھو شرما، لال چند کٹاریہ، پرمود جین بھیا، پرتاپ سنگھ کھچریواس، ممتا بھوپیش، بھجن لال جاٹوا، گووند رام میگھوال، محترمہ شکنتلا راوت سمیت 29 لیڈران شامل ہیں۔