Congress protest in Ajmer: اجمیر میں مہنگائی کے خلاف کانگریس کا احتجاج

ملک میں مہنگائی اور بے روزگاری کے خلاف جمعہ کے روز کانگریس کے کارکنان نے اجمیر ضلع کلکٹریٹ پر مرکزی حکومت کے خلاف احتجاج کیا۔ Congress protests against inflation in Ajmer

راجستھان کے ضلع اجمیر میں جمعہ کے روز کانگریس کارکنان نے ڈاک بنگلہ سے کلکٹریٹ آفس تک مہنگائی اور بے روزگاری کو لے کر مرکزی حکومت کے خلاف احتجاج کیا۔ Congress protests against inflation in Ajmer

اس دوران کانگریس کارکنوں نے کلکٹریٹ آفس کے باہر چولہے پر روٹیاں بنا کر بی جے پی حکومت پر مہنگائی اور بے روزگاری میں شدید اضافہ کرنے کا الزام عائد کیا۔

احتجاج میں شامل کانگریس رہنماؤں کا کہنا تھا بی جے پی حکومت کی غلط پالیسیوں کی وجہ سے آج ملک میں مہنگائی اور بے روزگاری عروج پر ہے جس سے عام انسان کو دو وقت کی روٹی جٹانے میں بڑی دشواریوں کا سامنا کرنا پڑ رہا ہے۔