ولبھ نگر :کانگریس پارٹی کے رکن اسمبلی گجیندر سنگھ شکتاوت کا انتقال

کانگریس پارٹی کے سینیئر رہنما و رکن اسمبلی گجیندر سنگھ شکتاوت کا انتقال لیور میں انفیکشن کی وجہ سے ہوگیا ہے۔

وزیر اعلی اشوک گہلوت، کانگریس کے ریاستی صدر گووند ڈوٹاسرا اور سچن پائلٹ نے گجیندر سنگھ شکتاوت کے انتقال پر اپنے گہرے رنج و غم کا اظہار کیا ہے۔

وزیراعلیٰ اشوک گہلوت کا ٹوئٹ

گجیندر سنگھ شکتاوت نے آج اپنی زندگی کی آخری سانس لی۔

گجیندر سنگھ شکتاوت گذشتہ دنوں کورونا وائرس سے متاثر ہوئے تھے، اس کے بعد وہ ٹھیک ہوگئے تھے۔

تاہم انہیں لیور انفیکشن کی شکایت تھی،اور وہ قومی دارالحکومت نئی دہلی کے آئی ایل بی ایس ہسپتال میں علاج کرا رہے تھے۔تاہم وہ جانبر نہ ہوسکے اور انتقال کرگئے۔

ریاست راجستھان گذشتہ 5 ماہ کے دوران چوتھے رکن اسمبلی کی وفات ہوگئی ہے۔اب راجستھان اسمبلی میں 196 ارکان اسمبلی رہ گئے ہیں۔