کانگریس کی ریٹا چودھری، بی جے پی آر ایل پی اتحاد کے بینیوال کامیاب

ریاست راجستھان کی دو اسمبلی نشستوں پر آج ضمنی انتخابات کے نتائج جاری کئے گیے۔ ان انتخابات میں ناگور ضلع کی کیوسر نشست پر نارائن بینیوال اور چورو ضلع کی منڈاوا نشست پر ریٹا چودھری نے فتح حاصل کی ہے۔

نارائن بینیوال نے کانگریس جماعت کے ہرندر مردھا کو اور ریٹاچودھری نے بی جے پی کی سوشیلا کو انتخابات میں شکست دی ہے۔

واضح رہے کہ کیوسر اسمبلی نشست نارائن بینوال کو بی جے پی اور آر ایل پی اتحاد کی جانب سے میدان میں اتارا گیا تھا۔ وہیں انتخابات کے نتائج کے بعد دونوں ہی جگہ پر دونوں ہی امیدوار کے حامی کافی زیادہ خوش نظر آرہے ہیں یہاں پر ایک دوسرے کو رنگ لگا کر مبارکباد بھی دی جارہی ہے۔یہاں آتش بازی بھی کی جارہی ہے۔دونوں ہی نشستوں پر انتخابات کے نتائج کو لے کر سکیورٹی انتظام کافی زیادہ سخت ہیں۔دونوں ہی جگہوں پر کاؤنٹنگ سینٹر پر کثیر تعداد میں پولیس کے جوان تعینات کئے گئے تھے۔