پرتاپ گڑھ: سڑک حادثے میں تین نابالغ لڑکے ہلاک

پرتاپ گڑھ شہرکے مندسور روڈ پر گذشتہ روز ایک سڑک حادثے میں موٹر سائیکل سوار تین نابالغ لڑکوں کی موت ہوگئی۔

نابالغ لڑکے موٹر سائیکل سے پرتاپ گڑھ کی طرف جارہے تھے اچانک ٹرک کی زد میں آگئے اور دو لڑکوں کی موقع پر ہی موت ہوگئی۔

اس حادثے میں ایک لڑکا شدید زخمی ہوا جسے ضلع ہسپتال میں علاج کے بعد ادئے پور ریفر کیا گیا، لیکن اس نے راستے میں ہی دم توڑ دیا۔

شہر کے واٹر واکرس کے رہنے والے سلیم کریم خان، توقیر اسلم خان اور سہیل سلیم خان کی سڑک حادثے میں موت ہوگئی۔

پولیس کے مطابق تینوں لڑکے نابالغ ہیں۔

وہیں حادثے کے بعد ٹرک ڈرائیور ٹرک چھوڑ کر فرار ہوگیا، پولیس نے موقع سے ٹرک کو ضبط کرلیا ہے۔