جے پور میں قبرستانوں کی حالت میں تبدیلی

جے پور کے گھاٹ گیٹ علاقے میں واقع بدحال قبرستان کی ٹوٹی دیواروں کی مرمت ہوجانے سے قبرستان آنے والے لوگ راحت محسوس کررہے ہیں۔

راجستھان کے دارالحکومت جے پور کے گھاٹ گیٹ علاقے میں واقع بدحال قبرستان کی صورت میں مزید تبدیلی دیکھی جارہی ہے۔ پہلے فاتحہ خوانی کے لئے قبرستان آرہے لوگوں کو جانوروں کی وجہ سے شدید پریشانیوں کا سامنا کرنا پڑتا تھا، لیکن اب اس قبرستان کی ٹوٹی دیواروں کی مرمت ہوجانے سے قبرستان آنے والے لوگ راحت محسوس کررہے ہیں۔

اس تعلق سے مسلم تنظیموں کے ذمہ داران کا کہنا ہے کہ جن بھی اراکین اسمبلی کی جانب سے اس قبرستان کی مرمت کرائی جارہی ہے ان سے ہمارا مطالبہ ہے کہ قبرستان کی زمیں کو غیر قانونی قبضے سے بھی آزاد کرایا جائے اور قبرستان میں جانے والے راستوں کو بھی صحیح کروایا جائے۔

جے پور میں قبرستانوں کی حالت میں تبدیلی

تنظیموں کے ذمہ داران کا یہ بھی کہنا ہے کہ ہم ان تمام لوگوں کا شکریہ ادا کرتے ہیں جنہوں نے قبرستان کی جانب توجہ دی ہے، اور جتنے بھی قبرستان بدحال ہورہے ہیں ان تمام قبرستانوں کی جانب بھی ان لوگوں کو توجہ دینی چاہیے۔