راجستھان میں اقلیتی محکموں کے چیئرمین ابھی تک منتخب نہیں ہوئے

راجستھان میں کانگریس حکومت قائم ہوئے ڈھائی برس سے بھی زیادہ کا عرصہ ہو چکا ہے، لیکن اگر بات کی جائے راجستھان میں اقلیتوں سے تعلق رکھنے والے راجستھان مدرسہ بورڈ، راجستھان حج کمیٹی، راجستھان اردو اکادمی، راجستھان اقلیتی کمیشن سمیت دیگر محکموں کی تو یہاں پر ابھی تک حکومت کی جانب سے چیئرمین ہی منتخب نہیں کیا گیا ہے۔

ایسے میں اب بڑا سوال یہ ہوتا ہے کہ جب اقلیتوں سے تعلق رکھنے والے ان بڑے محکموں میں ہی چیئرمین منتخب نہیں کیا گیا تو اقلیتوں کی ترقی کیسے ہو سکے گی؟

واضح رہے کہ بی جے پی حکومت کے وقت راجستھان مدرسہ بورڈ کے عہدے پر چیئرمین مہرالنساء ٹاک، راجستھان حج کمیٹی چیئرمین امین پٹھان اور اردو اکادمی کے چیئرمین اشرف علی خلجی تھے، لیکن جب سے ان کا پانچ برس کا وقت مکمل ہوا ہے تب سے آج تک کسی کو بھی ان بڑے عہدوں پر منتخب نہی کیا گیا ہے۔

راجستھان اردو اکادمی

راجستھان: اسکولوں میں اردو کی تعلیم کو بحال کیا جائے گا

راجستھان مدرسہ بورڈ

وہیں اس پورے معاملے کو لے کر راجستھان حج کمیٹی کے سابق چیئرمین امین پٹھان کا کہنا ہے کہ بی جے پی حکومت کے وقت میں سبھی محکموں میں جلد ہی تقرریاں کر دی گئی تھی۔ لیکن وزیر اعلیٰ اشوک گہلوت نے جو اقلیتوں سے وعدے کیے تھے ان وعدوں کو بھی گہلوت صاحب پورا نہیں کر سکے ہیں۔