مستان شاہ بابا کی درگاہ پر چادر پیش کی گئی

عالمی وبا کورونا وائرس سے تحفظ کے پیش نظر حضرت مستان شاہ بابا کی درگاہ پر ایم بی ڈی گروپ نے چادر پیش کی۔

ریاست راجستھان کے ضلع ڈونگر پور میں آج ایم بی ڈی گروپ کی جانب سے مشہور و معروف حضرت مستان شاہ بابا کی درگاہ پر چادر پیش کی گئی، اس موقع پر خاص کر ریاست میں اچھی برسات اور کورونا وبا کے خاتمے کی دعا مانگی گئی۔

ایم بی ڈی گروپ کے صدر نور محمد کے مطابق اس موقعے پر کانگریس رہنما اور سابق اقلیتی وزیر اسرار احمد اور ڈونگر پور ایس پی جے یادو نے چادر پوشی کے بعد درگاہ اطراف میں شجر کاری کی۔

عالمی وبا کوروناوائرس سے تحفظ کے پیش نظر حضرت مستان شاہ بابا کی درگاہ پر ایم بی ڈی گروپ نے چادر پوشی کی

خاص بات یہ رہی کہ عوام میں کورونا وبا سے بچنے کے لیے پیغام بھی دیا گیا اور مستان شاہ بابا کے مزار پر پھول پیش کر منت بھی مانگی گئی۔