ضلع ٹونک کے مالپورہ گاؤں میں ایک نابالغ لڑکی کے ساتھ اجتماعی جنسی زیادتی کرنے کے معاملے میں پولیس اور میڈیکل افسران کی جانچ پر بی جے پی رہنماؤں نے اعتراض ظاہر کیا تھا اور اس تعلق سے وہ آج ایس ڈی ایم کو میمورنڈم دینے پہنچے تھے۔
لیکن پولیس نے کورونا وائرس کے سبب نافذ کردہ لاک ڈاؤن کے سبب ایک جگہ جمع ہونے پر میمورنڈم دینے والے تمام بی جے پی رہنماؤں کے خلاف لاک ڈاؤن کی خلاف ورزی کرنے کا کیس درج کیا ہے۔
واضح رہے کہ مالپورہ گاؤں کے باچھیڑا علاقے میں گجر برادری کی ایک نابالغ لڑکی کے ساتھ جنسی زیادتی کے ایک کیس میں ملزموں کے خلاف پولیس اور میڈیکل افسران کی جانچ پر نکتہ چینی کرنے کے معاملے میں ایڈیشنل ایس پی دفتر کے باہر بی جے پی رہنما میمورنڈم دینے کے لیے جمع ہوئے۔
ٹونک حلقے سے رکن پارلیمان سکھبیر سنگھ جونپوریہ، مالپورہ حلقے سے رکن اسمبلی کنہیا لال چودھری سمیت 16 لوگوں کے خلاف پولیس نے کیس درج کیا ہے اور اس کے بعد اس کی تحقیقات کی ذمہ داری سی آئی ڈی کے سپرد کردی ہے۔
واضح رہے کہ مالپورہ گاؤں میں جنسی زیادتی کا ایک معاملہ سامنے آنے کے بعد یہ تمام لوگ مالپورہ گاؤں پہنچے اور ایڈیشنل ایس پی کے دفتر کے باہر جاکر متعدد پولیس افسران اور ایک ڈاکٹر کی بدتمیزی کی شکایت پر میمورنڈم دیا تھا۔
