فرضی ڈگری والے ڈاکٹرز کے خلاف کاروائی

ریاست راجستھان کے ضلع جودھپور کے محکمہ صحت نے سنیچر کے روز شہر میں مبینہ طور پر دو فرضی ڈاکٹرز کے خلاف کاروائی کی اور دونوں ہی شکایتیں محکمہ کو پولیس سے ملی۔

شہر کے ڈپٹی سی ایم ایچ او پریتم سنگھ نے بتایا کہ ہمیں اطلاع ملی تھی کہ شہر کے ڈالی بائی مندر علاقے میں بالال جی کلینک پر ایک فرضی ڈاکٹر پریکٹس کر رہا ہے۔

پریتم سنگھ موقع پر پہنچے تو وہاں ڈاکٹر نور جی پریکٹس کرتے ہوئے پائے گئے۔ جس کے پاس پاکستانی میڈکل ڈینٹل کاؤنسلنگ کی ڈگری تھی۔

اس نے ایم بی بی ایس کر رکھا ہے لیکن نور جی کے پاس بھارتی شہریت نہیں ہے۔ ایسے میں وہ ڈینٹل کاؤنسل آف انڈیا یا راجستھان میڈیکل کاؤنسل میں اپنا رجسٹریشن نہیں کروا سکتے۔ ایسے میں وہ غیر قانونی پریکٹس کرنے کی زمرے میں آتے ہیں۔

خاص بات یہ ہے کہ نور جی کے پورے خادان کو بھارتی شہریت مل چکی ہے، محض ان کو شہریت ملنی باقی ہے۔ حالانکہ پولیس نے نور جی کو گرفتار کر لیا ہے۔

اسی طرح بیرو گاؤں میں ایک نیو پریہار میڈیکل اینڈ جنرل اسٹور پر پریکٹس کرنے والے موہن لال کو بھی محکہ صحت کی کاروائی کے بعد راجیو تھانہ پولیس نے گرفتار کر لیا ہے۔ ان کے پاس ڈگری نہیں ملی۔

ڈپٹی سی ایس ایچ او ڈاکٹر پریتم نے بتایا کہ دونوں ہی مقامات پر جو دوائیں ملی ہیں وہ محض مجاز ڈاکٹر ہی لکھ سکتا ہے۔