Career Guidance Program in Ajmer: اجمیر میں طلباء کے لیے کریئر گائیڈنس پروگرام

راجستھان کے شہر اجمیر میں دسویں اور بارہویں جماعت کے طلباء کے لیے کریئر گائیڈنس سیمینار کا اہتمام کیا گیا جس میں ماہرین نے طلباء کو مفید مشورے دیے۔ Students Career Counseling

اجمیر: شہر اجمیر کے کوٹ علاقے میں اُمت فاؤنڈیشن کے تعاون سے کرئیر کاؤنسلنگ کا ایک سیمینار منعقد کیا گیا تھا۔ جس میں آئی ٹی ماہرین سید ذاکر حسن نے بتایا کہ طلباء اپنے کرئیر کے بارے میں اس وقت تک سنجیدہ نہیں ہوتے جب تک انہیں صحیح گائیڈنس نہیں ملتا اسی وجہ سے ان کا وقت ضائع ہوتا ہے۔ نوجوان موجودہ دور میں اپنا وقت سوشل میڈیا پر زیادہ صرف کرتے ہیں۔ اس کے علاوہ اسپیکر واجد محمد نے سیمینار میں موجود طلباء کو دسویں جماعت کے بعد مختلف فیلڈز میں اپنا کرئیر بنانے کا مشورہ دیا اور انہیں آرٹس، کامرس اور سائنس تینوں اسٹریم کے اعلیٰ کورس کے بارے میں بتایا۔

سیمینار کے بعد طلباء سے فیڈ بیک بھی لیا گیا جس میں انہوں نے سیمینار پر سنجیدگی سے غور کیا اور سیمینار کی میزبانی کے حوالے سے بھی بات کی۔ واضح رہے کہ امت فاؤنڈیشن گزشتہ 2 برسوں سے ضرورتمند طلباء کو مفت کوچنگ فراہم کر رہا ہے جس میں 8ویں اور 12ویں کے بچوں کو امت فاؤنڈیشن کے ماہر اساتذہ کے ذریعے تربیت دی جاتی ہے نیز انہیں مفت کمپیوٹر کوچنگ کلاسز بھی دی جارہی ہے۔ Career Guidance Program Organized for Students