بالی ووڈ فلم ڈائریکٹر سورج سنگھ اپنی ٹیم کے ساتھ اجمیر شریف درگاہ Bollywood Director Suraj Singh Visit Ajmer Sharif پہنچے۔ جہاں انہوں نے حضرت خواجہ غریب نواز رحمتہ اللہ علیہ کی بارگاہ میں عقیدت کی چادر پیش کی اور سنجے لیلا بھنسالی کی فلم " گنگوبائی" کی کامیابی کے لیے Director Suraj Singh Prays at Ajmer For Film Gangubai دعا مانگی۔
سورج نے خواجہ صاحب کے دربار میں بالی ووڈ فلم ڈائریکٹر سنجے لیلا بھنسالی اور ان کی فلم گنگوبائی کی کامیابی کے لیے خاص دعا مانگی۔ انہوں نے بتایا کہ ان کا ایک ٹی وی شو ہیرامنڈی بھی جلد آنے والا ہے۔ اس کے علاوہ ان کی ایک نئی فلم کا آغاز بھی فروری سے ہونے جارہا ہے، جس میں فلمی اداکارہ کاجول، پراچی دسائی اور ویشال بھیراو ، راجیو کھنڈلوال سمیت دیگر اداکار کام کرنے والے ہیں۔
مزید پڑھیں: نصرت جہاں نے اجمیر درگاہ کی زیارت کی
واضح رہے کہ بالاجی ٹیلی فلمز میں مختلف ڈرامہ سیریل میں بھی سورج سنگھ بطور اسسٹنٹ ڈائریکٹر کام کرچکے ہیں۔ سورج سنگھ اور ان کے ساتھ آئے میک اپ سپر اسپیشلسٹ کو خواجہ صاحب کی بارگاہ میں زیارت سید عمران چشتی نے کرائی اور تبرک سید گلفام چشتی نے پیش کیا۔ جبکہ سنجے لیلا بھنسالی اور سورج سنگھ کے لیے خصوصی دعا حاجی سید عبدالغنی چشتی عرف کلو میاں نے کی اور بھنسالی کے لئے دربار کا تبرک بھی بھجوایا۔
