خون کی کمی کے مد نظر خون عطیہ کیمپ منعقد

عالمی وبا کورونا کے قہر کے دوران نافذ لاک ڈاؤن کی وجہ سے شہر کے بلڈ بینکوں میں خون کی قلت کو دور کرنے کے لئے آج راجستھان مسلم پریشد تنظیم کی جانب سے دارالحکومت جے پور میں خون عطیہ کیمپ منعقد کیا گیا۔

یہ خون عطیہ کیمپ جے پور کے ودیا دھر نگر علاقے میں واقع محمدی مسجد میں منعقد ہوا۔ اس کی خاص بات یہ رہی کہ یہاں پر سبھی مذہب اور مختلف تنظیموں کے نوجوانوں کی جانب سے خون عطیہ کیا گیا۔

اس کیمپ میں صبح دس بجے سے دوپہر تک 97 یونٹ خون جمع ہوا راجستھان مسلم پریشد کے ریاستی صدر یونس چوپدار نے بتایا کے درلبجی بلڈ بنک کے تعاون سے یہ کیمپ منعقد کیا گیا۔

اس خون عطیہ کیمپ میں نوجوانوں نے بڑھ چڑھ کر حصہ لیا اور کرونا ویکسین لگوانے سے قبل جس طرح سے خون کا عطیہ کیا ہے ہم نوجوانوں کا شکریہ ادا کرتے ہیں۔

انہوں نے کہا کہ جب بھی پورے راجستھان میں کسی کو بھی خون کی ضرورت محسوس ہو گی ہم لوگ وہاں پہنچ کر فوراً ہی خون کا انتظام کروائیں گے۔

اس دوران راجستھان مسلم وقف بورڈ کے چیئرمین ڈاکٹر خانو خان بودھوالی، رکن اسمبلی حاکم خان، پینک سیٹی پریس کلب کے صدر مکیش مینا، اسرار قریشی سمیت دیگر لوگ موجود رہے ہیں، وہی جن جن لوگوں نے خون عطیہ کیا ان تمام لوگوں کو انعامات بھی دیے گۓ۔