بی جے پی کارکنان نے وزیر صحت کی مخالفت کی

ریاست راجستھان کے وزیر صحت اور کوٹہ کے انچارج، کوٹا کے جے کے لون ہسپتال میں بچوں کی موت کے معاملے  میں معائنہ کے لیے ہسپتال پہنچے، اس دوران بی جے پی کارکنان نے نعرے بازی کرکے ان کی مخالفت کی۔

دراصل جمعہ کے روز ضلع کے، جے کے لون ہسپتال میں بچوں کی موت کے معاملے میں ریاستی وزیر صحت رگھو شرما اور ضلع انچارج پرتاپ سنگھ کھاچریاواس معائنہ کے لیے ہسپتال پہنچے تھے اسی دوران بی جے پی کارکنان نے جم کر نعرے بازی کرتے ہوئے ان دونوں کی مخالفت کی۔

نعرے بازی کے دوران کانگریس اور بی جے پی کارکنان آمنے سامنے آگئے جنھیں پولیس نے بڑی مشقت کے بعد قابو میں کیا، لیکن بی جے پی کارکنان نے دونوں وزرا کے خلاف جم کر نعرے بازی کی۔

وہیں وزیر صحت رگھو شرما اور وزیر نقل و حمل ہسپتال کا معائنہ کر رہے تھے۔

ساتھ ہی ان دونوں نے ضلع کوٹہ کی انتظامیہ، میڈیکل کالج انتظامیہ کے علاوہ میڈیکل ڈیپارٹمنٹ کے عہدیداروں سے اس معاملہ پر بات چیت بھی کی۔