جے پور: کروڑی لال مینا کی حمایت میں بی جے پی رہنماؤں کا احتجاج

جے پور کے ٹرانسپورٹ نگر کے آما گڑھ علاقے میں واقع قلعے میں پرچم لگانے اور اتارنے کے معاملے میں پولیس نے راجیہ سبھا رکن کروڑی لال مینا کو گرفتار کیا۔ تو وہیں ان کی گرفتاری کے بعد ان کی حمایت میں بی جے پی کارکنان احتجاج کررہے ہیں۔

جے پور کے ودھیادھر نگر تگانے کے باہر ان کی حمایت میں احتجاجی مظاہرہ کیا جارہا ہے اور یہ مطالبہ کیا جارہا ہے کہ کروڑی لال مینا کو فوراً ہی رہا کیا جائے، یہاں راجستھان حکومت اور پولیس کے خلاف جم کر نعرے بازی کی گئی۔

ہنومان بینی وال

وسوندھرا راجے

وہیں جے پور پولیس کمشنر آنند سری واستو بھی ودھیادھر نگر پولیس تھانے پہنچے ہیں اور لوگوں کو سمجھایا۔ لیکن یہاں تھانے کے باہر کروڑی لال مینا کی حمایت میں کثیر تعداد میں لوگ پہنچ کر احتجاج کررہے ہیں۔ کسی طرح سے کوئی ماحول خراب نہ ہو اس لیے یہاں پر کثیر تعداد میں پولیس کے جوان بھی تعینات کردیے گئے ہیں۔

اس پورے معاملے پر سابق وزیر اعلیٰ وسندھرا راجے، بی جے پی کے ریاستی صدر ستیش پونیا، راشٹریہ لوک تانترک پارٹی کے سربراہ اور ناگور لوک سبھا سے رکن پارلیمنٹ ہنومان بینیوال نے ٹویٹ کیا اور کہا کہ جس طرح سے کروڑی لال مینا پر کارروائی کی جارہی ہے وہ غلط ہے۔