The Kerala Story راجستھان کے سینما گھروں میں دی کیرالہ اسٹوری مفت دیکھائی جائے گی، بی جے پی رکن اسمبلی

اجمیر سٹی سے بی جے پی کے رکن اسمبلی واسو دیو دیوانی نے کہا کہ ہماری پارٹی دی کیرالہ اسٹوری فلم کی حمایت کرتی ہے۔ اس بنیاد پر ہی ہم نے ریاست راجستھان کے تمام سینما گھروں میں دی کیرالہ اسٹوری کی مفت نمائش کا انتظام کر رہے ہیں۔ اس کی تمام تر تیاریاں مکمل کرلی گئی ہے۔

اجمیر: ملک کی دوسری ریاستوں کی راجستھان میں بھی متنازع فلم دی کیرالہ اسٹوری کو لے کر سیاست تیز ہو گئی ہے۔ کانگریس کی قیادت والی حکومت میں بی جے پی کے رہنماؤں نے دی کیرالہ اسٹوری کی سینما گھروں میں مفت نمائش کا اعلان کرکے نیا تنازع کھڑا کردیا ہے۔ اجمیر سٹی سے بی جے پی کے رکن اسمبلی واسو دیو دیوانی نے کہا کہ 14 مئی کو اجمیر کے سینما گھر میں تقریبا 500 سے زائد طلبا و طالبات کو فلم دی کیرالہ اسٹوری مفت دکھائی جائے گی۔

رکن اسمبلی واسو دیو دیوانی کے مطابق نوجوان نسل کو موجودہ حالات سے بیدار کرنے کے لیے یہ فلم دکھانی ضروری ہے۔ اس سے نوجوانوں کو پتہ چلے گا کہ ملک میں کیا چلا رہا ہے۔ اس سے بیدار ہونا کتنا ضروری ہے۔ ہمارا مقصد دہشت گردوں کی سازشوں سے نوجوانوں کو آگاہ کرنا ہے اور کیرالہ کی سچائی کو عوام تک پہنچانا ہے۔ انہوں نے کہا کہ دی کیرالہ اسٹوری میں کوئی سیاست نہیں ہے جو لوگ سیاست کی بات کر رہے ہیں، وہ دراصل لوگوں کو گمراہ کر رہے ہیں۔ ایسے لوگوں سے بچ کر رہنا ہے۔

دیوانی نے اپنی پریس کانفرنس میں سچن پائلٹ اور اشوک گہلوت کے درمیان چل رہے سیاسی اختلافات کو لے کر بھی نشانہ سادھا اور آر پی ایس سی پیپر لیک معاملے کو لے کر بھی کئی سوال کھڑے کئے۔ انہوں نے اس معاملے میں سنجیدگی سے انکوائری کروانے اور پردے کے پیچھے چھپے اصل گناہ گاروں کو بے نقاب کرنے کا مطالبہ کیا۔