حزب اختلاف کے رہنما راجندر راٹھور کا سخت رد عمل

ریاست راجستھان میں جاری سیاسی کشمکش کے درمیان حزب اختلاف کے رہنما راجندر راٹھور نے اپنے سخت رد عمل کا اظہار کیا ہے۔

بی جے پی رہنما راجندر راٹھور نے کانگریس پارٹی کے سینیئر رہنما اجے ماکن اور راجندر گوڈھا کی طرف سے لگائے گئے الزامات پر سخت رد عمل کا اظہار کیا ہے۔

راٹھور نے اجے ماکن کو عوام کی طرف سے مسترد کردہ رہنما بتایا۔

انہوں نے طنز کرتے ہوئے یہ بھی کہا کہ ان دنوں راجستھان میں چل رہے سیاسی ڈرامہ میں اجے ماکن کو نیا روزگار ملا ہے۔

ای ٹی وی بھارت سے گفتگو کے دوران حزب اختلاف کے رہنما راجیندر راٹھور نے کہا کہ دہلی اسمبلی انتخابات کے دوران ان کی بے عزتی ہوئی تھی، بہتر ہوگا کہ پہلے اسے یاد رکھیں۔

راٹھور کے مطابق یہ جعلی آڈیو ٹیپ کس نے وزیر اعلی کی رہائش گاہ سے جاری کیا اور آڈیو ٹیپنگ سے متعلق قانون کیا ہے۔

راجندر راٹھور نے کہا کہ آڈیو ٹیپ کیس کی جانچ سی بی آئی سے کرانے کا مطالبہ کیا ہے۔

اسی کے ساتھ ہی پریس کانفرنس میں کانگریس کے رکن اسمبلی راجیندر گوڈھا کے ذریعہ لگائے گئے الزامات کو بھی راجندر راٹھور نے مسترد کردیا۔