Ajmer Shareef Dargah بھارت راشٹرا سمیتی کی جانب سے اجمیر درگاہ پر چادر پوشی

بھارت راشٹرا سمیتی پارٹی کے اراکین و ذمہ داروں نے اجمیر درگاہ پر حاضری دی اور پارٹی کے لیے خصوصی دعا کی۔ BRS Members Offer Chadar on Ajmer Dargah

اجمیر: تلنگانہ کے وزیر اعلی کے چندر شیکھر راؤ کی پارٹی بی آر ایس کا نام بدلنے کے بعد (سابقہ نام تلنگانہ راشٹریہ سمیتی) ذمہ داران و کارکنان نے اجمیر میں صوفی حضرت خواجہ معین الدین حسن چشتی رحمتہ اللہ علیہ کی درگاہ پر چادر پوشی کی اور ان کے وزیر اعلیٰ اور بی آر ایس پارٹی کی کامیابی کے لیے خصوصی دعا کی۔ BRS Members Offer Chadar on Ajmer Dargah

اجمیر شریف درگاہ کمیٹی کے دفتر سے مخملی چادر تلنگانہ اسٹیٹ اپل انچارج محمد بدرالدین، عادل آباد کے سینئر لیڈر بی آر ایس محمد اطہر اللہ، کے سی آر سیوا دلم سوشل میڈیا کنوینر جاوید پٹیل، بابا جے پی درگاہ، یوتھ لیڈر مجیب احمد اور خواجہ الطاف رضا قادری نے پیش کی۔ درگاہ کے خادم سید سلطان حسن مصباحی نے سب کو حاضری کروائیں اور دستار بندی کی۔ بی آر ایس کی یہ چادر خواجہ صاحب کے روضہ مبارک پر صوفیانہ قوالی کے ساتھ پیش کی گئی۔ تلنگانہ کے وزیر اعلی کی صحت، درازی عمر اور بی آر ایس کی کامیابی کے لیے بھی دعا کی گئی۔

تلنگانہ کے وزیر اعلی کے چندر شیکھر راؤ کو خواجہ غریب نواز کی درگاہ پر بہت اعتماد ہے، اسی وجہ سے وہ اپنے وفد کے ساتھ اجمیر عقیدت کی چادر بھیجتے رہے ہیں۔ اس بار بھی درگاہ میں چادر چڑھا کر آئندہ انتخابی میدان میں ان کی بھارت راشٹرا سمیتی کی کامیابی کے لیے دعائیں مانگی گئی۔ Ajmer Shareef Dargah