Firing on Bajrang Dal Worker ادئے پور میں بجرنگ دل کے کارکن کا قتل

ادئے پور میں پیر کو بجرنگ دل کے ایک کارکن کا گولی مار کر قتل کردیا گیا۔ Bajrang Dal worker Murdered

ادئے پور: ریاست راجستھان کے ادئے پور میں اتوار کی رات بجرنگ دل کے کارکن کو سرعام گولی مار کر ہلاک کر دیا گیا۔ تاہم واقعے کے بعد پولیس ملزمین کی تلاش میں ہے۔ لیکن تاحال کوئی گرفتاری عمل میں نہیں آسکی۔ پولیس کی جانب سے بتایا گیا کہ جائے وقوعہ کے قریب واقع ایک دکان میں نصب سی سی ٹی وی کیمرے میں دو نوجوانوں کو تیزی سے بھاگتے ہوئے دیکھا گیا ہے، جنہیں پولیس تلاش کر رہی ہے۔ دراصل یہ سنسنی خیز واقعہ شہر کے امباماتا تھانہ علاقہ کے رام پورہ چوراہے پر پیش آیا۔ واقعہ کے دوران بجرنگ دل کے ڈپارٹمنٹ کوآرڈینیٹر راجندر عرف راجو (42) فون پر بات کرتے ہوئے اپنی دکان سے باہر کار کی طرف جارہے تھے اسی دوران دو بدمعاشوں نے انہیں گولی مار دی۔ واقعہ کے وقت وہاں سے ایک بارات جارہی تھی ایسے میں شور کا فائدہ اٹھاتے ہوئے ملزمین نے اس واردات کو انجام دیا اور پھر وہاں سے فرار ہو گئے۔ فی الحال قتل کی وجہ واضح نہیں ہے۔ ابتدائی معلومات میں معلوم ہوا ہے کہ قتل کا واقعہ جائیداد تنازع کی وجہ سے پیش آیا۔ پولیس نے بتایا کہ راجندر پرمار کے خلاف پہلے ہی کئی مقدمات درج تھے۔

ادئے پور میں بجرنگ دل کے کارکن کا قتل

حملہ آوروں نے راجندر عرف راجو پر تین راؤنڈ فائرنگ کی۔ ان میں سے ایک گولی راجندر پرمار کے سر میں لگی۔ جس کی وجہ سے اس کی موت ہو گئی۔ پولیس کا کہنا ہے کہ راجندر کی دکان کے قریب نصب سی سی ٹی وی کیمرے میں دو نوجوانوں کو تیزی سے بھاگتے ہوئے دیکھا گیا ہے، جنہیں پولیس نے مشکوک قرار دے کر ان کی تلاش شروع کردی ہے۔ لیکن ابھی تک بدمعاشوں کا کوئی سراغ نہیں مل سکا۔ قتل کی اصل وجہ فی الحال سامنے نہیں آئی ہے۔ لیکن بتایا جارہا ہے کہ راجندر عرف راجو کا جائیداد سے متعلق تنازع کی وجہ سے قتل کیا گیا ہے۔ بتایا گیا کہ راجندر کے خلاف کئی تھانوں میں مجرمانہ مقدمات درج ہیں۔ لیکن حملہ آوروں نے واردات کو اس وقت انجام دیا جب ایک بارات دکان کے قریب سے گزر رہی تھی۔ بینڈ کی تیز آواز کی وجہ سے دور کھڑے لوگوں کو بھی اس کا احساس نہیں ہوا۔ تاہم جیسے ہی لوگوں نے راجندر عرف راجو کو سڑک پر پڑا دیکھا۔ لوگوں نے اسے ادے پور کے ایم بی ہسپتال میں داخل کرایا، جہاں ڈاکٹروں نے علاج کے دوران اسے مردہ قرار دیا۔

اطلاعات کے مطابق راجندر پرمار گؤونش بچانے کے ساتھ ہی ہندو تنظیم بجرنگ دل میں بھی سرگرم تھا۔ لیکن اس کے خلاف کئی مجرمانہ مقدمات درج تھے۔ اس کے کچھ ہسٹری شیٹرز کے ساتھ بھی زمینی تنازع کے معاملات سامنے آچکے ہیں۔ فی الحال اس کے حریف ہسٹری شیٹر جیل کی سلاخوں کے پیچھے ہیں۔ ایسے میں پولیس اس بات کی بھی جانچ کر رہی ہے کہ اس کا کسی گینگسٹر نے سپاری دے کر قتل تو نہیں کروایا ہو۔ راجندر پرمار کے قتل کے بعد سوشل میڈیا پر ایک میسیج وائرل ہوا۔ جس میں بنٹی نامی نوجوان نے اپنی فیس بک پر پوسٹ کر کے قتل کی ذمہ داری قبول کی۔ اس نے لکھا کہ راجو اپنے ماموں کی کروڑوں کی زمین پر قبضہ کرنا چاہتا تھا۔ جس کی وجہ سے اس نے اسے گولی مار دی لیکن کچھ دیر بعد نوجوان نے اپنے سوشل میڈیا اکاؤنٹ سے یہ پوسٹ ڈیلیٹ کر دی۔

ایڈیشنل سپرنٹنڈنٹ آف پولیس سٹی چندرشیل سنگھ ٹھاکر نے بتایا کہ امباماتا تھانہ علاقہ کے راجو تیلی کا نامعلوم حملہ آوروں نے قتل کر دیا۔ واقعے کے بعد پولیس نے مختلف ٹیمیں تشکیل دے کر تفتیش شروع کردی۔ فی الحال پولیس نے ملزم کی شناخت کر لی ہے۔ ساتھ ہی پولیس ٹیمیں ملزمین کو گرفتار کرنے کی مسلسل کوششیں کر رہی ہیں۔ اب متوفی کا پوسٹ مارٹم ایم بی ہسپتال میں کیا جائے گا اور لاش کو لواحقین کے حوالے کیا جائے گا۔ ویشو ہندو پریشد ادے پور کے صدر سُکھلال لوہار نے اس معاملے پر رد عمل کا اظہار کرتے ہوئے کہا کہ پولیس اور انتظامیہ اس پورے معاملے میں ناکام ثابت ہوئی ہے۔ بدمعاش بندوق کے زور پر شہر میں کھلے عام پھر رہے ہیں۔ انہوں نے کہا کہ پولیس اور انتظامیہ نے راجندر کو ہسٹری شیٹر کہا ہے، ایسا بیان دینا سراسر غلط ہے کیونکہ ان کے خلاف ایسی کوئی فائل نہیں کھلی تھی۔ انہوں نے کہا کہ جب تک ملزم کو گرفتار نہیں کیا جاتا اور لواحقین کو سرکاری نوکری کی یقین دہانی نہیں کرائی جاتی تب تک لاش کا پوسٹ مارٹم نہیں کروایا جائے گا۔