جے پور: رکن اسمبلی امین کاغذی نے اسپتال کا جائزہ لیا

کورونا وبا کے دوران مریضوں کو صحیح طرح سے علاج مل رہا ہے یا نہیں مل رہا، ویکسین کے کیمپوں میں کسی طرح کی کوئی کمی تو نہیں رہ گئی ہے، ان تمام باتوں کا جائزہ لینے کے لیے آج ریاست راجستھان کے دارالحکومت جے پور کے کشنپول اسمبلی حلقے سے رکن اسمبلی آمین کاغذی نے سرکاری ہسپتال سمیت دیگر مقامات کا دورہ کیا۔

راجستھان کے دارالحکومت جے پور کے رکن اسمبلی امین کاغذی اپنے علاقے میں لگے ہوئے ویکسین کیمپ میں پہنچے اور یہاں پر ویکسین لگوانے کے لیے پہنچے لوگوں سے بات کی اور ذمہ داران اور عہدے داران کو انتظامات اور بھی بہتر کرنے کے حکم دیا۔

رکن اسمبلی امین کاغذ یہاں سے روانہ ہوکر رام گنج علاقے میں واقع ہسپتال میں پہنچے اور یہاں پر اپنا علاج کرانے کے لیے پہنچے مریضوں سے فیڈبیک لیا۔

یہاں پر موجود ڈاکٹر اور تمام اعلیٰ افسران کو ضروری ہدایت دی۔

اپنے اسمبلی حلقے میں بھی کئی جگہوں پر دورہ کرتے ہوئے کاغذی نے جائزہ لیا۔

اس دوران ان کے ساتھ میں مقامی پارشد، رہنما اور مقامی باشندے موجود رہے۔ مقامی باشندوں کی جانب سے رکن اسمبلی کاغذی کے سامنے اپنے علاقے صفائی انتظامات کو بہتر بنانے کی بات کی۔