Rajasthan Budget سی ایم گہلوت نے اسمبلی میں پرانے سال کا بجٹ پڑھنا شروع کردیا

راجستھان کے وزیر اعلی اشوک گہلوت نے اپنی تیسری میعاد کا آخری بجٹ پیش کرنے کے دوران پرانا بجٹ پڑھنے لگے۔ تاہم وزیر مہیش جوشی نے انہیں درمیان میں ہی روک دیا۔ اس کے بعد اپوزیشن نے ہنگامہ شروع کر دیا۔ Gehlot reads last year budget in assembly

جے پور: راجستھان کے وزیراعلی اشوک گہلوت اپنی تیسری میعاد کا آخری بجٹ پیش کر رہے ہیں۔ اس دوران سی ایم گہلوت نے اسمبلی میں پرانا بجٹ پڑھنا شروع کردیا۔ تاہم وزیر مہیش جوشی نے انہیں درمیان میں ہی روک دیا۔ جس کی وجہ سے اپوزیشن نے اسمبلی میں بھاری ہنگامہ کیا۔ اس کے بعد ایوان کی کارروائی ملتوی کر دی گئی۔

اسمبلی میں جب سی ایم گہلوت بجٹ پڑھ رہے تھے تو اپوزیشن لیڈروں نے ہنگامہ شروع کر دیا۔ اس دوران اشوک گہلوت نے کہا کہ تھوڑا صبر کرو۔ آپ سب کو اچھا لگے گا۔ بتایا جا رہا ہے کہ جب اشوک گہلوت بجٹ پڑھ رہے تھے، اس دوران انہوں نے پچھلی تین چار اسکیمز کو بھی اپنے بجٹ میں شامل کرلیا۔ یہی نہیں، اس میں شہری ترقیاتی منصوبہ جو کہ گزشتہ سال نافذ کیا گیا تھا۔ وزیراعلیٰ نے اسے بھی گنا دیا۔ اس کے بعد وزیر مہیش جوشی نے سی ایم کے کان میں کچھ کہا۔ اس کے بعد گہلوت نے معافی مانگی۔ تاہم اس کے بعد بھی اپوزیشن کا ایوان میں ہنگامہ ہوتا رہا۔

اپوزیشن کے ہنگامے کو دیکھتے ہوئے اسپیکر اسمبلی نے کہا کہ اگر ایسا ہوتا رہا تو وہ ایوان سے چلے جائیں گے۔ لیکن ہنگامہ ہوتی رہی جس کو دیکھتے ہوئے راجستھان قانون ساز اسمبلی کی کارروائی کو 30 منٹ کے لیے ملتوی کرنا پڑا۔ اس دوران سی ایم اشوک گہلوت نے کہا کہ اندرا گاندھی اربن ایمپلائمنٹ گارنٹی کا اعلان کیا گیا ہے۔ اس کے تحت شہر میں رہنے والے لوگوں کو 100 دن کا روزگار ملے گا۔ اس پر ہر سال 800 کروڑ روپے خرچ ہوں گے۔ تبھی وزیر مہیش جوشی نے انہیں درمیان میں ہی روک دیا۔ کیونکہ بجٹ کے دوران وزیراعلیٰ جو پڑھ رہے تھے، ان پر عمل درآمد پچھلے سال ہی ہوگئی تھی۔

اس معاملے پر ٹوئٹ کرتے ہوئے مرکزی وزیر گجیندر سنگھ شیخاوت نے کہا کہ 'پیپر لیک ہونے کے بعد اب راجستھان کا بجٹ بھی لیک ہو گیا ہے'۔ گہلوت جی ایک کاپی اپنے پاس بھی رکھتے تو پرانا پڑھنا نہیں پڑھتا۔ اتنا ہی نہیں مرکزی وزیر نے کہا کہ گہلوت جی بہت لاپرواہ ہیں، اس سال کے بجٹ کے لیے مہم چلائی اور پرانا بجٹ پڑھنا شروع کر دیا، عوام بدانتظامی سے پھیلے اندھیروں میں راحت کی روشنی دیکھ رہی تھی، اور یہاں وزیر اعلیٰ کی بتی ہی گل ہوگئی۔ سمجھ نہیں آرہا ہے کہ ہنسیں یا روئیں۔

وہیں گہلوت نے کہا کہ بجٹ کے صفحات میں غلطی سے ایک اضافی صفحہ لگ گیا تھا۔ پریس سے یہ بجٹ مینے نہیں چھپوایا ہے۔ آپ کو پتا ہے کہ بجٹ سے متعلقہ ملازمین 7-7 دن اور رات کو سوتے نہیں ہیں۔ اگر ایک صفحہ غلط لگ گیا تو کوئی بات نہیں ہے۔ تاہم پرانا بجٹ پڑھنے کے بعد سی ایم گہلوت نے اسمبلی میں معافی بھی مانگی۔ سی ایم گہلوت 8 منٹ تک پچھلے سال کا بجٹ پڑھتے رہے۔

گہلوت نے کہا کہ بی جے پی صرف یہ دکھانا چاہتی ہے کہ وہ راجستھان کی ترقی کے خلاف ہیں۔ بجٹ لیک ہوگیا ان کا یہ من گڑنت الزام ہے۔ اس سے ظاہر ہوتا ہے کہ وہ بجٹ کو بھی اپنی گھٹیا سیاست سے نہیں چھوڑیں گے۔ 'بچت، راحت، بڑھت' میں صرف ایک ہی رکاوٹ ہے- بی جے پی۔ کارروائی ملتوی ہونے کے بعد، بی جے پی کے اراکین اسمبلی ایوان کے ویل کے اندر دھرنے پر بیٹھ گئے۔