'ریٹ کے امتحان میں گڑبڑی کرنے والے کسی کو بھی بخشا نہیں جائے گا'

وزیراعلیٰ گہلوت نے پیر کے روز ریٹ کے امتحان پراپنے ردعمل میں کہا کہ اگر ریٹ کے امتحان کے دوران کہیں گڑبڑی کی بات سامنے آتی ہے اورحقیقت پولیس کی خصوصی ٹیم ( ایس اوجی) کو بتائی جاتی ہے تو وعدہ ہے کہ کسی بھی غلط کرنے والے کو بخشا نہیں جائے گا۔

راجستھان کے وزیر اعلی اشوک گہلوت نے کہا ہے کہ ٹیچر اہلیت امتحان (آر ای ای ٹی)میں گڑبڑی کرنے والے کسی بھی شخص کو بھی بخشا نہیں جائے گا، لیکن ایک دو امتحان سینٹر پر گڑبڑی کے تعلق سے پورا امتحان پھر سے کرانے کی بات مناسب نہیں ہے۔

گہلوت نے پیر کے روز ریٹ کے امتحان پر اپنے ردعمل میں کہا کہ اگر ریٹ کے امتحان کے دوران کہیں گڑبڑی کی بات سامنے آتی ہے اورحقیقت پولیس کی خصوصی ٹیم ( ایس اوجی) کو بتائی جاتی ہے تو وعدہ ہے کہ کسی بھی غلط کرنے والے کو بخشا نہیں جائے گا۔

انہوں نے کہا کہ اگر کسی سینٹر پر پیپر آوٹ کی بات سامنے آتی ہے تو اس پر دوبارہ امتحان کرایاجائے گا لیکن پھر سے امتحان کراکر لاکھوں بچوں کے مستقبل کے ساتھ کھلواڑ نہیں کیا جاسکتا۔

انہوں نے کہا کہ ریٹ امتحان میں پولس اور انتظامیہ نےاچھا انتظام اور ریاست میں این جی اوز اور دیگر لوگوں نے اس میں پرجوش انداز میں تعاون کیا جوایک تاریخ بنی کہ لاکھوں طلباءکا امتحان اچھی طرح ختم ہوا۔وزیر اعلی نے کہا کہ اپوزیشن کے لوگوں کو یہ بات ہضم نہیں ہورہی ہے۔

انھوں نے کہا کہ آج امتحان دیتے وقت ہی طالب علم کو یہ معلوم ہوجاتا ہے کہ وہ پاس ہوگا یا نہیں۔ ایسے میں پیپر آؤٹ ہو گیا وغیرہ کہہ کر لوگوں کو اکسانا آسان ہوتا ہے، جو ٹھیک نہیں ہے۔

یو این آئی