اے پی کے عوام کی خوشحالی کے لیے اجمیر درگاہ میں چادر پیش کی گئی

آندھراپردیش کے عوام کی خوشحالی اور سی ایم جگن موہن ریڈی کی صحت یابی کے لئے میلاوآرام کے رکن اسمبلی کرشن پرشاد نے آندھرا پردیش پروٹیکشن کونسل کے چیئرمین الطاف رضا قادری کے ساتھ اجمیر شریف عرس میں چادر کا تحفہ پیش کیا۔

جسے خادم سید سلطان رضوی کے ذریعے خواجہ صاحب کے مزار پر پیش کیا گیا۔ الطاف رضا قادری نے میڈیا کو بتایا کہ آندھراپردیش میں خوشحالی اور ترقی کے لیے دربار میں دعا مانگی گئی ہے۔

انہوں نے کہا کہ تمام مذاہب کے افراد اپنے اپنے مذہبی مقامات پر جاتے ہیں، لیکن اجمیر شریف درگاہ ایسی ہے جہاں پر تمام مذاہب کے عقیدت مند حاضری دینے آتے ہیں۔

ایسے میں وزیر اعلیٰ جگن موہن ریڈی کی صحتیابی اور آندھرا پردیش کے عوام کی خوشحالی کے لیے دعا مانگی گئی ہے۔

الطاف رضا قادری کے ساتھ ان کے وفد اراکین کو درگاہ زیارت سید سلطان رضا نے کرائی اور دستار بندی کر دربار کا تبرک پیش کیا۔