راجستھان کے اسکولوں میں اردو امتحان نہیں ہونے کے الزام

محکمہ تعلیم کے اعلیٰ افسران کی جانب سے جاری ٹائم ٹیبل کے مطابق آج 17 مئی کو بھارتی ریاست راجستھان کے سرکاری، پرائیویٹ اسکولوں اور مدرسوں میں اردو امتحان ہونے تھے۔

سرکاری، پرائویٹ اور دیگر اسکولوں میں اردو کے امتحان نہیں ہوئے۔ باقاعدہ اس پورے معاملے کو لے کر راجستھان اردو اساتذہ تنظیم سمیت دیگر مسلم تنظیموں کے عہدیداران کی جانب سے راجستھان کے وزیر اعلی اشوک گہلوت اور وزیر تعلیم بی ڈی کلا کو ایک لیٹر بھی لکھا گیا ہے۔ اس لیٹر میں یہ مطالبہ کیا گیا ہے کہ جو جو بچے اردو کے امتحان سے آج محروم ہو چکے ہیں، ان تمام بچوں کا امتحان دوبارہ کرایا جائے، یا پھر ان تمام بچوں کو پرموٹ کیا جائے۔ وہیں اس پورے معاملے کو لے کر کئی اسکولوں کے پرنسپل سمیت دیگر لوگوں سے بات کرنا چاہیے لیکن کوئی بھی جواب دینے کیلئے تیار نہیں ہے۔

اس پورے معاملے کو لے کر راجستھان اردو اساتذہ تنظیم کے ریاستی صدر امین قائم خانی کا کہنا ہے کہ جو آرڈر محکمہ تعلیم کے اعلیٰ افسران کی جانب سے جاری کیے گئے تھے۔ ان آرڈر کو درکنار کرکے کئی اسکولوں میں اردو کے امتحان نہیں کروائے گئے۔ اس لیے کافی زیادہ بچوں کا مستقبل اندھیرے میں نظر آرہا ہے۔ ہم حکومت سے یہ مطالبہ کرتے ہیں کہ اس جانب توجہ دے اور اردو کے امتحان کروائے۔