Lightning Strike: آسمانی بجلی کے زد میں آنے والے افراد کی ہر ممکن مدد کی جائے گی: امین کاغذی

جے پور کے آمیر علاقے میں آسمانی بجلی گرنے کے معاملے کو لے کر سرکاری حکام و سیاسی رہنماؤں کا جے پور کے ایس ایم ایس ہسپتال میں پہنچنے کا سلسلہ مسلسل جاری ہے۔

ریاست راجستھان کے دارالحکومت جے پور کے آمیر علاقے میں گزشتہ روز آسمانی بجلی گرنے سے 12 افراد ہلاک ہو گئے جبکہ کئی لوگ اس کی زد میں آنے سے جھلس گئے ہیں جن کو جے پور کے ایس ایم ایس ہسپتال میں داخل کیا گیا ہے۔

اس حادثے کی اطلاع ملنے پر جے پور کے کشنپول اسمبلی حلقے سے رکن اسمبلی امین کاغذی ایس ایم ایس ہسپتال پہنچ کر انہوں نے انتظامات کا جائزہ لیا اور جو لوگ زخمی ہوئے ہیں ان سے بات کی۔

امین کاغذی نے ای ٹی وی بھارت سے بات چیت کے دوران کہا کہ 'اب تک اس پورے معاملے میں 20 لوگ ہلاک ہوچکے ہیں۔' انہوں نے بتایا کہ 'ہلاک ہونے والوں میں سے دو افراد کا تعلق ریاست چندی گڑھ سے ہے، این ڈی آر ایف کی ٹیم کی جانب سے راحت اور بچاؤ کا کام جاری ہے۔

انہوں نے بتایا کہ 'اب تک 40 لوگوں کو بچایا جا چکا ہے۔ امین کاغذی نے معاوضہ کی بات کو لے کر کہا کہ 'اس حادثے کے تعلق سے ہم لوگ اجلاس کریں گے اور انہوں نے کہا کہ 'ہلاک ہونے والے افراد کے اہل خانہ اور زخمیوں کی ہر ممکن مدد کی جائے گی۔'

واضح رہے کہ دارالحکومت جے پور کے آمیر علاقے میں گزشتہ شام آسمانی بجلی گرنے سے 20 افراد ہلاک جبکہ متعدد افراد زخمی ہو گئے تھے۔ زخمیوں کو علاج کے جے پور کے ایس ایم ایس ہسپتال میں داخل کیا گیا ہے۔