اجمیر: ایم ڈی ایس یونیورسٹی کے وائس چانسلر رشوت لیتے ہوئے گرفتار

راجستھان کے ضلع اجمیر کے مہارشی دیانند سرسوتی یونیورسٹی کے وائس چانسلر آر پی سنگھ کو رشوت خوری کے معاملے میں اینٹی کرپشن بیورو(اے سی بی ) نے گرفتار کیا ہے۔

مہارشی دیانند سرسوتی کے نام سے قائم ایم ڈی ایس یونیورسٹی نہ صرف ہندوستان میں بلکہ پوری دنیا میں بھی فضیلت ، معاشرتی ترقی اور ثقافتی شعور کا مظہر سمجھی جاتی ہے۔

یونیورسٹی کے موجودہ وائس چانسلر آر پی سنگھ کی گرفتاری ریاست میں رشوت خوری کا پہلا معاملہ ہے۔

ریاست میں 30 کے قریب سرکاری یونیورسٹیاں ہیں۔ جہاں وائس چانسلر کو تعلیمی برادری کا اعلی درجہ دیا جاتا ہے۔

گذشتہ 25 سالوں میں بہت سے وائس چانسلرز پر بھرتیوں اور مالی بے ضابطگیوں کا الزام عائد کیا گیا ہے۔ لیکن اینٹی کرپشن بیورو کی کارروائی پہلی بار کسی وائس چانسلر کے خلاف ہوئی ہے۔

اے سی بی نے وائس چانسلر کے بروکر کو بھی گرفتار کیا ہے، اے سی بی بروکر رنجیت کو دو لاکھ 20 ہزار کی رشوت لیتے ہوئے گرفتار کیا ہے۔۔