اجمیر: پچاس بیڈ کا کووڈ کیئر سنٹر کا آغاز

عالمی کورونا وبا کے مدنظر اجمیر شریف درگاہ کمیٹی کی جانب سے پچاس بیڈ کا کووڈ کیئر سینٹر کا آغاز کیا جائے گا۔

اجمیر شریف درگاہ کمیٹی صدر امین پٹھان نے بتایا کہ علاقے میں واقع غریب نواز مہمان خانہ کو اب کووڈ سینٹر میں تبدیل کر دیا گیا ہے۔

اجمیر شہریوں کے لیے درگاہ کمیٹی کی اس نیک پہل کو کورونا مریضوں کے لیے ایک بڑی راحت مانا جارہا ہے جس میں درگاہ کمیٹی کی جانب سے 50 بیڈ اور 30 آکسیجن سلنڈر کی سہولیات مریضوں کو فراہم کروائی جائے گی۔

اس کے علاوہ درگاہ کمیٹی کی جانب سے میڈیکل ڈپارٹمنٹ کو بھی ضروریات سازوسامان مہیا کرایا جائے گا۔ درگاہ ناظم اشفاق حسین نے کہا کی درگاہ کمیٹی اس مشکل وقت میں پوری طرح سے ضلع انتظامیہ کے ساتھ ہے۔ اگر ضرورت پڑی تو مختلف سہولیات بھی فراہم کروائی جا سکتی ہے۔