اجمیر شریف درگاہ: کورونا وبا سے نجات کے لیے دعا کا اہتمام

عالمی وبا کورونا وائرس سے ملک سمیت پوری دنیا میں متاثرہ مریضوں کی تعداد مسلسل بڑھتی ہی جارہی ہے۔ جس سے نجات کے لیے اجمیر شریف درگاہ میں دعا کا اہتمام کیا گیا۔

ریاست راجستھان کے شہر اجمیر میں واقع سلطان الہند حضرت خواجہ غریب نوازؒ کی بارگاہ میں جمعہ کی نماز کے بعد ایک دعائیہ پروگرام کا اہتمام کیا گیا۔

چشتیہ تنظیم کے زیر اہتمام دربار کے احاطہ نور میں تلاوت قرآن مجید سے پروگرام کا آغاز ہوا۔ بذریعہ نظامت اردو شاعر سید عمران چشتی نعت و منقبت کا سلسلہ چلا اور درگاہ کے ہفت باری داران سید حاجی انیس میاں چشتی کے ذریعے عالمی وبا کے خاتمے کے لیے خصوصی دعا کی گئی۔ حدیث پاک کی روشنی میں وبا سے محفوظ رہنے کا پیغام دیا گیا۔

اجمیر شریف درگاہ: کورونا وبا سے نجات کے لیے دعا کا اہتمام

اجمیر شریف درگاہ: کورونا وبا سے نجات کے لیے دعا کا اہتمام

کورونا وبا کی ابھی تک کوئی ویکسین نہیں آئی ہے۔ لیکن اس بیماری سے حفاظت ہی اس کا علاج ہے۔ یہی وجہ ہے کہ آج درگاہ سے منہ پر ماسک لگانے اور سماجی دوری بنائے رکھنے کا بھی پیغام دیا گیا۔