اجمیر: 101 ضرورت مندوں کو راشن کٹ تقسیم

اجمیر کی 'دکھیوں کا سہارا ویلفیئر سوسائٹی' کی جانب سے ایک سو ایک ضرورت مندوں کو راشن کٹ تقسیم کیے گئے۔

راجستھان کے اجمیر شہر میں مقامی تنظیمیں ضرورت مندوں کی مدد کے لیے خدمت خلق انجام دے رہی ہیں۔ ایسی ہی ایک تنظیم دکھیوں کا سہارا ویلفیئر سوسائٹی نے اپنی جانب سے101 ضرورت مندوں کو سوکھا راشن تقسیم کیا۔

راجستھان میں کورونا وبا کی وجہ سے غریب طبقے کے لوگوں کی مالی حالت بہت خراب ہوچکی ہے۔ لاک ڈاؤن کی وجہ سے کاروبار ٹھپ ہے اور یہی وجوہات ہے کہ اجمیر شہر کے غریب غربا کے پاس دو وقت کی روٹی حاصل کرنے تک کے پیسے نہیں ہے۔

حالات یہ ہے کہ کاروبار بند ہونے کی وجہ سے مزدور لاچار اور بے بس نظر آرہے ہیں۔ایسے میں اجمیر کی تنظیم دکھیوں کا سہارا ویلفیئر سوسائٹی کی جانب سے ایک سو ایک ضرورت مندوں کو راشن کٹ تقسیم کئے گئے۔

اس موقع پر دکھیوں کا سہارا ویلفئیر سوسائٹی کے جنرل سیکرٹری عبدل خالد خان کا کہنا ہے کہ گزشتہ ڈیڑھ سال سے جاری کورونا بحران میں لوگ بہت پریشان ہے۔اسی کے مدنظر ہماری تنظیم نے ان لوگوں کی پریشانیوں کو دور کرنے کے لیے راشن کا انتظام کیا گیا اور سو سے زائد لوگوں کو راشن تقسیم کیا گیا۔

فی الحال راجستھان میں صبح سے شام تک بازار کھلے ہوئے ہیں، لیکن کاروبار نہیں ہونے کی وجہ سے مزدور طبقے کے سامنے دو وقت کی روزی روٹی کمانا مشکل ہوگیا ہے۔ یہی وجہ ہے کی سماجی تنظیم خدمت خلق کی نیت سے لوگوں کی مدد کر رہی ہے۔