اجمیر درگاہ: موبائل چوری کے الزام میں دو گرفتار

اجمیر درگاہ پولیس اسٹیشن نے موبائل چوری کرنے کے الزام میں دو ملزمان کو گرفتار کیا ہے۔

راجستھان کے اجمیر درگاہ پولیس اسٹیشن نے آج موبائل چوری کرنے کے الزام میں دو ملزمان کو گرفتار کیا ہے۔

تھانہ انچارج ہیمراج مونڈ کے مطابق موبائل چوری ہونے کے معاملے میں تھانہ میں درج مقدمے کی تفتیش کے دوران موبائل خریدار سلیم ساکن ہرسور تھانہ تھانولا (ناگور) کے قبضے سے چوری شدہ موبائل کو ضبط کیا گیا۔

پولیس نے اس کی نشاندہی پر ہی چوری کرنے کے ملزم نظام الدین بخش (40) ساکن لانگیا محلہ گنج تھانہ اجمیر کو گرفتار کر لیا۔

دیگر واقعات کے سلسلے میں پولیس ملزمان سے گہری پوچھ گچھ کررہی ہے۔ پولیس کو امید ہے کہ موبائل چوری کے دیگر واقعات بھی سامنے آسکتے ہیں۔