کورونا کیسز میں نمایاں کمی کے بعد جے پور میں طویل عرصے کے بعد مسجدوں میں جمعہ کی نماز ادا کی گئی، نماز کے بعد میں کورونا وبا کے خاتمے کے لیے خاص دعا کا اہتمام بھی کیا گیا۔
حکومتی گائڈ لائنز کے مطابق نماز میں بنا ماسک کسی کو بھی مسجد میں داخلہ نہیں دیا گیا اور نماز کے دوران بھی سماجی دوری کا خاص خیال رکھا گیا۔
مسجدوں کے اماموں کی جانب سے یہ اپیل بھی کی گئی تھی کہ جو ایڈوائزری حکومت کی جانب سے جاری کی جارہی ہے اس ایڈوائزری کا سبھی لوگ خیال رکھیں۔ درگاہ بڑے پیر صاحب کے سجادہ نشین سید صداقت علی جیلانی نے بتایا کہ حکومتی اعلان کے بعد میں مذہبی مقامات کو کھولا گیا اور آج جمعہ کی نماز مختصر لوگوں کی جانب سے ادا کی گئی۔
انہوں نے بتایا کہ جو بھی ایڈوائزری مذہبی مقامات کو لے کر حکومت کی جانب سے جاری کی جائے گی اس ایڈوائزری کا ہم لوگ مکمل طور پر خیال رکھیں گے۔
واضح رہے کہ ڈھائی ماہ سے راجستھان کے مندر، مسجد، درگاہ، گردوارے، چرچ بند تھے جس کے بعد میں پیر کے روز سے یہ تمام مذہبی مقامات کھولے گئے۔
TAGGED:
RAJASTHAN NEWS