ملک اور بیرون ممالک سے خواجہ غریب نوازؒ کی درگاہ اجمیر شریف میں عقیدت مند پہنچتے ہیں جبکہ جمعہ کے روز نمازیوں کی تعداد میں تقریباً 50 ہزار تک پہنچ جاتی ہے۔
اس دوران درگاہ اور آس پاس کے علاقوں کے نمازی کثیر تعداد میں آتے ہیں اور صبح دس بجے سے ہی نمازیوں کی صف لگ جاتی ہے۔
درگاہ کمیٹی کی جانب سے نماز جمعہ کے وقت میں تبدیلی کا فیصلہ کیا گیا ہے جس کے بعد اب جمعہ کی نماز ایک بج کر دس منٹ پر ہوگی اس سے قبل جمعہ کی نماز کا وقت ایک بج کر 35 منٹ تھا۔
دوسری جانب اس تبدیلی سے نمازیوں کو دشواری کا سامنا کرنا پڑ رہا ہے۔
زائرین کا کہنا ہے کی نماز کا وقت تبدیل کیے جانے سے اب نمازیوں کی صف صبح دس بجے سے لگنی شروع ہوگئی ہے جس سے درگاہ کی زیارت میں دشواری کا سامنا کرنا پڑ رہا ہے۔