Kabeer Khan Visit Ajmer: ٹی وی اداکار کبیر خان اجمیر شریف درگاہ حاضری دینے پہنچے

حضرت خواجہ معین الدین چشتی رحمۃ اللہ علیہ کی درگاہ میں آج بالی ووڈ فلم ادا کار کبیر خان حاضری دینے پہنچے۔

اجمیر:ریاست راجسھتان کے شہر اجمیر میں واقع حضرت خواجہ معین الدین چشتی رحمۃ اللہ علیہ کی درگاہ میں آج بالی ووڈ فلم ادا کار کبیر خان حاضری دینے پہنچے جہاں انہوں نے خواجہ غریب نواز کی آستانہ عالیہ پر عقیدت کی چادر اور محبت کے پھول پیش کر کامیابی کی دعا مانگی۔ کبیر خان کے ساتھ ملک ایران کی فلم پروڈیوسر راہ میڈم بھی درگاہ حاضری دینے پہنچیں۔Kabeer Khan Visit Ajmer

اس کے علاوہ اداکار نے اپنی آنے والی نئی فلم کے لیے بھی منت کا دھاگہ جنتی دروازے پر باندھا۔ درگاہ کے گدی نشین خادم سید قطب الدین سخی نے فلم اداکار کبیر خان اور ایران سے بھارت آئی فلم پروڈیوسر راہ میڈم کو درگاہ کی زیارت کرائی اور دستار بندی کر دربار کا تبرک پیش کیا۔ کبیر خان نے ٹی وی ڈرامہ 'اترن' میں اداکاری کی ہے، جبکہ ان کی پہلی فلم 'انکاؤنٹر' رہی ہے۔

اس کے علاوہ انہوں نے گاڈ فادر، سنڈے سونگ، بھول بھلیاں ٹو، اکبر، وارث، مدھو مالا، سنتوشی ما، پاگل کر دیا تونے۔ چارج شیٹ سمیت مختلف ڈرامہ اور فلموں میں بہترین اداکاری انجام دی ہے۔ کبیر خان نے بالی ووڈ اسٹار سلمان خان، عمران ہاشمی، مکیش تیواری، یشپال شرما سمیت مختلف ہستیوں کے ساتھ کام کیا ہے۔:اسی طرح کبیر خان کے ساتھ اجمیر پہنچی ایران سے بھارت آئی فلم پروڈیوسر راہ میڈم نے بتایا کہ سال 2023 کے آخر تک ان کی نئی فلم "چیراتماہ " بھی ریلیز ہوگئی۔ واضح رہے کہ حال ہی میں بالی ووڈ اداکارہ سارہ علی خان بھی اجمیر شریف درگاہ حاضری دینے پہنچی تھیں۔ وہ اپنی فلم ذرا ہٹکے ذرا بچکے کی تشہیر کے سلسلسے میں راجستھان میں تھیں جہاں انہوں نے فلم کی تشہیر کرنے کے علاوہ درگاہ پہنچ کر فلم کی کامیابی کی دعا مانگی۔