Junior Actors Visit Ajmer Dargah: سلمان خان اور گووندا کے ہمشکل اداکاروں کی اجمیر درگاہ میں حاضری

حضرت خواجہ غریب نوازؒ کی بارگاہ میں دونوں جونیئر اداکاروں نے عقیدت کی چادر پیش کی اور زندگی میں کامیابی کی دعا کی۔ Junior Actors Visit Ajmer Dargah

اجمیر:بالی ووڈ کے فلمی اداکاروں کے ہم شکل بھاویش اور ونود نے اجمیر شریف درگاہ پر حاضری دی۔ بھاویش سولنکی سپر اسٹار فلم اداکار سلمان خان کی طرح نظر آتے ہیں، جب کہ ونود بھی گووندا کی طرح نظر آتے ہیں۔ ان دونوں جونیئر اداکاروں کو اجمیر شریف آنے کا موقع ملا جس پر وہ بہت خوش نظر آئے۔ Junior Actors Visit Ajmer Dargah

صوفی بزرگ حضرت خواجہ غریب نوازؒ کی بارگاہ میں دونوں جونیئر اداکاروں نے عقائد کے مطابق عقیدت کی چادر پیش کی اور زندگی میں کامیابی کی دعا کی۔ خواجہ صاحب کے دربار میں ان کو زیارت بالی ووڈ دعاگو سید قطب الدین سخی نے کروائی اور دستار بندی کے بعد تبرک پیش کیا۔ درگاہ پر حاضری کے بعد دونوں اداکاروں نے جنتی دروازے پر منت کا دھاگہ بھی باندھا اور خواجہ صاحب سے دعائیں بھی مانگیں۔

بھاویش اور ونود دونوں نے کئی پلیٹ فارمز پر اپنی پرفارمنس دی ہے۔ سلمان خان اور گووندا کی اداکاری سے انہوں نے کافی شہرت حاصل کی ہے۔ اسی طرح وہ بڑے اداکاروں کے ساتھ فلموں میں کام کرنے کی بھی خواہش رکھتے ہیں۔