جے پور: شراب فروخت کرنے کا انوکھا انداز

دارالحکومت جے پور میں آلو اور پیاز کی طرح آواز لگاتے ہوئے شراب فروخت کی جارہی ہے۔ جس کا ویڈیو سوشل میڈیا پر وائرل ہو رہا ہے۔

ریاست راجستھان کے دارالحکومت جے پور میں انوکھے انداز سے شراب فروخت کرنے کی ایک ویڈیو سوشل میڈیا پر تیزی سے وائرل ہو رہی ہے۔ یہا آلو اور پیاز کی طرح آوازیں دے کر شراب بیچنے کی ویڈیو سوشل میڈیا پر وائرل ہو رہی ہے۔ جس کے بارے میں بہت سے سوالات اٹھ رہے ہیں۔ تاہم، ای ٹی وی بھارت اس وائرل ویڈیو کی تصدیق نہیں کرتا ہے۔

ویڈیو جے پور کے جھوٹواڑہ علاقے کے کالواڑ روڈ کی بتائی جارہی ہے، جہاں آلو اور پیاز کی طرح آواز دے کر شراب فروخت کی جارہی ہے۔ شراب کی قیمتوں میں بھاری چھوٹ کا ایک ہورڈنگ بورڈ بھی دکان کے باہر لگایا گیا ہے۔ بورڈ پر دیشی اور انگریزی شراب میں بھاری چھوٹ لکھ کر تشہیر بھی کی جارہی ہے۔

ویڈیو میں یہ واضح طور پر دیکھا جاسکتا ہے کہ 'کس طرح دو دکاندار آپس میں مسابقت کی وجہ سے صارفین کو آواز کے ذریعہ بلا رہے ہیں۔ سستی شراب کا لالچ دے کر صارفین کو راغب کرنے کی کوشش کر رہے ہیں۔

قوانین کے مطابق شراب کو کم سے کم قیمت پر فروخت نہیں کیا جاسکتا۔ سوشل میڈیا پر وائرل ہونے والی ویڈیو کے حوالے سے ایکسائز حکام پر بہت سارے سوالات اٹھ رہے ہیں۔ اس طرح قوانین کی خلاف ورزی کرکے شراب فروخت کرنے والوں کے خلاف کوئی کارروائی کیوں نہیں کی جارہی ہے۔