بڑے پیر صاحب کے چلے کی دیوار میں آئی دراڑ

ریاست راجستھان کے اجمیر شہر میں موسلا دھار بارش کی وجہ سے کئی مکانات کو نقصان پہنچا ہے، تو وہیں تاراگڑھ کی وادیوں میں واقع حضرت شیخ عبدالقادر جیلانی بڑے پیر صاحب کے چلے شریف کی قدیم عمارت شدید کمزور ہوچکی ہے، چلے کا کچھ حصہ گر گیا ہے جس سے حالات مزید ابتر ہونے کا خدشہ ہے۔

اجمیر شہر میں گزشتہ دنوں کبھی موسلادھار اور رک رک کر رم جھم بارش نے حضرت شیخ عبدالقادر جیلانی بڑے پیر صاحب کے چلے شریف کی قدیمی عمارت کو شدید نقصان پہنچایا ہے ۔ حالات یہ ہے کہ چلے شریف کے باہری حصے میں گڈھا ہوچکا ہے اور عقیدت مندوں کو اپنی زندگی کی فکر ستا رہی ہے۔ چلے کے خدمت گار کے مطابق بارش کا موسم ہونے کی وجہ سے اسے درست کرانا فی الحال ممکن نہیں ہے۔

چلے شریف کی چھت سے لے کر قدیمی عمارت کی در و دیوار تک میں بارش کی وجہ سے دراریں پڑ چکی ہے اگر ایسے میں چلے شریف کے ذمہ داران اور متولی اس پر توجہ نہیں دیتے ہیں تو کبھی بھی کوئی بڑا حادثہ پیش آ سکتا ہے۔