دیوار منہدم ہونے سے 7 ہلاک

ریاست راجستھان کے شہر جودھپور میں دیوار منہدم ہونے سے 7 افراد ہلاک ہوگئے ہیں۔

جودھپور کے باسنی تھانہ علاقے میں دل دہلا دینے والا حادثہ پیش آیا جہاں ایک مکان کی دیوار منہدم ہونے سے 7 افراد ہلاک ہوئے ہیں جبکہ متعدد افراد کے ملبے میں پھنسے ہونے کی اطلاع ہے۔

یہ حادثہ باسنی تھانے کے قریب بابا رام دیو مندر کے پاس ایک زیر تعمیر مکان کے منہدم ہونے کی وجہ سے پیش آیا۔

تفصیلات کے مطابق زیر تعمیر مکان کی دیوار گرنے کے باعث مجموعی طور پر 14 افراد ملبے میں دب گئے۔ جن میں 7 کی موت ہوگئی ہے۔

حادثے کی اطلاع ملنے پر ضلع کلکٹر، پولیس کمشنر کے ساتھ ہی ایس ڈی آر ایف ٹیم پہنچ گئی ہے اور راحتی کام جاری ہے