بیٹے کے ہاتھوں باپ کا قتل

پنجاب میں ضلع سنگرور کے اباوال گاوں میں کل نصف شب کو ایک نشہ کی عادی بیٹے نے اپنے باپ بے رحمی سے قتل کردیا۔

اطلاعات کے مطابق مرنے والے کی شناخت جنگ سنگھ کے طورپر کی گئی ہے۔
ملزم ہرپال سنگھ اپنے والدین اور بیوی سے اکثر جھگڑا کرتا تھا۔
اس کی نشہ کے لیے پیسے کی مانگ بڑھتی جارہی تھی۔ وہ اپنے باپ سے جائیداد میں حصہ چاہتا تھا لیکن اس کے والد نہیں چاہتے تھے کہ وہ نشہ میں پیسہ برباد کرے۔ آخر رات کو اس نے اپنے والد کو قتل کردیا۔
اس کی ماں نے گلی میں آکر شور مچایا تو پڑوسیوں نے پولیس کو اطلاع دی۔

پولیس نے ملزم کو گرفتار کرلیا ہے۔