جالندھر میں نماز پڑھنے سے روکنے پر ماحول کشیدہ

پاکستان میں واقع گرودوارہ ننکانہ صاحب پر حملے کی مخالفت میں جالندھر کے فتح پور گاؤں کے کچھ نوجوانوں کے ذریعہ مسلمانوں کو مسجد میں نماز پڑھنے سے روکا گیا جس کے بعد علاقہ میں کشیدگی پھیل گئی۔

پولیس نے اس سلسلے میں دو نوجوانوں کو گرفتار کیا ہے۔

مسجد اے كووا کے امام مظہر عالم نے بتایا کہ فتح پور مسجد کے قاضی محمد قیصر کی غیرموجودگی میں گاؤں کے کچھ لڑکوں نے مسلمانوں کو نماز پڑھنے سے روکا اور نازیبا الفاظ کا استعمال کیا۔

انہوں بتایا کہ واقعہ کی اطلاع ملنے پر پولیس ڈپٹی کمشنر بلکار سنگھ نے دونوں فریقوں کو سمجھاکر معاملہ سلجھادیا۔

پولیس نے اس سلسلے میں گاؤں کے ہی دو لڑکوں کو حراست میں لیا ہے۔