ریاست پنجاب کے وزیراعلیٰ کیپٹن امریندر سنگھ نے پاکستان کے ساتھ امن اور دوستی میں اضافہ کرنے کی زبردست وکالت کرتے ہوئے کہا ہے کہ ایسا کرنے سے دونوں پڑوسی ممالک ترقی اور خوشحالی کے راستے پر آگے بڑھ سکتے ہیں، اور ساتھ ہی انہوں نے یہ بھی واضح کیا کہ ملک کی ہم آہنگی خراب کرنے کا کام کررہی آئی ایس آئی حامی سکھ فار جسٹس (ایس ایف جے) جیسی طاقتوں کو ہرگز برداشت نہیں کیا جائے گا۔
کیپٹن امریندر سنگھ نے نامہ نگاروں سے غیر رسمی بات چیت میں کہا ہے کہ ایس ایف جے ایک بنیاد پرست شدت پسند تنظیم ہے جس کے کوئی خیالات نہیں ہیں اور اسے خاص توجہ نہیں دی جانی چاہیے۔ وزیراعلیٰ امریندر سنگھ نے گرونانک دیوجی کی 550ویں سالگرہ کے موقع پر بھارتی برادری کے لوگوں سے خطاب کرتے ہوئے انہوں ان باتوں کا اظہار کیا۔
کیپٹن امریندر سنگھ نے نامہ نگاروں سے غیر رسمی بات چیت میں کہا ہے کہ ایس ایف جے ایک بنیاد پرست شدت پسند تنظیم ہے جس کے کوئی خیالات نہیں ہیں اور اسے خاص توجہ نہیں دی جانی چاہیے۔
ایس ایف جے کے ایک مبینہ قانونی صلاح کار گرپریت سنگھ پنو کو دھوکہ باز قرار دیتے ہوئے وزیراعلیٰ امریندر سنگھ نے کہا کہ پاکستان کی آئی ایس آئی کے اشاروں پر کام کرنے والے پنو کا ارادہ صرف سکھوں میں آپسی پھوٹ پیدا کرنا ہے اور وہ آئی ایس آئی کے ایجنڈے کو آگے بڑھانے کا کام کررہے ہیں۔
