پنجاب کے وزیراعلیٰ کیپٹن امریندر سنگھ استعفیٰ دے سکتے ہیں: ذرائع

پنجاب میں جاری سیاسی ہنگامہ آرائی کے دوران خبریں آرہی ہیں کہ وزیراعلیٰ کپیٹن امریندر سنگھ استعفیٰ دے سکتے ہیں۔

آل انڈیا کانگریس کمیٹی (اے آئی سی سی) نے کانگریس کی پنجاب یونٹ میں جاری ہنگامہ آرائی کے درمیان آج تمام ایم ایل ایز کی میٹنگ بلائی ہے لیکن اس دوران ذرائع کا کہنا ہے کہ امریندر سنگھ وزارت اعلیٰ کا عہدہ چھوڑ سکتے ہیں۔

پنجاب میں سیاسی ہنگامہ آرائی اس وقت شروع ہوئی جب نوجوت سنگھ سدھو کو پنجاب کانگریس کمیٹی کا صدر بنایا گیا اور کانگریس دو گروہ میں تقسیم ہوتی دکھائی دی۔ ایک گروپ امریندر سنگھ کا حامی تو دوسرا نوجوت سنگھ سدھو کی حمایت کرتا نظر آرہا ہے۔