جیل میں قیدیوں کی بھوک ہڑتال

جتھیدار گیانی ہرپریت نے درخواست کی ہے کہ ریاستی حکومت جیل میں قیدیوں کی بھوک ہڑتال کو ختم کرائے۔

ریاست پنجاب کے امرتسر میں شری اکال تخت صاحب کے کار گذار جتھیدار گیانی ہرپریت سنگھ نے جمعہ کے روز پنجاب حکومت سے کہا کہ وہ پٹیالہ کی نابھا جیل میں بھوک ہڑتال پر بیٹھے سکھ قیدیوں کی ہڑتال کو فوری طور پر ختم کرائے۔

واضح رہے کہ جھتیدار نے بتایا کہ جیل انتظامیہ کی طرف سے ہراساں کیے جانے کے خلاف سکھ قیدی 30 جون سے بھوک ہڑتال پر بیٹھے ہیں۔

انہوں نے کہا کہ حکومت جیل انتظامیہ کو ہدایت جاری کرے کہ وہ قیدیوں کے مسائل حل کرے اور بھوک ہڑتال ختم کرائے۔

انہوں نے کہا کہ اگر بھوک ہڑتال پر بیٹھے قیدیوں کا کوئی نقصان ہوتا ہے تو اس کی ذمہ دار براہ راست حکومت ہی ہوگی۔