پنجاب کے ضلع ہوشیار پور میں منگل کے روز کورونا وائرس سے چار افراد کی موت ہوگئی۔
محکمہ صحت نے بتایا کہ اس کے ساتھ ہی ضلع میں کورونا وائرس کی وبا سے ہونے والی اموات کی تعداد 49 ہوگئی ہے۔ اس کے علاوہ ضلع میں آج کووڈ 19 کے 52 نئے مریضوں کی تصدیق ہوئی ہے، جس کے بعد متاثرہ افراد کی مجموعی تعداد 1590 ہوگئی۔
سول سرجن ڈاکٹر جسبیر سنگھ نے بتایا کہ تلونڈی کا ایک 73 سالہ معمر شخص اور ککناتے گاؤں کی 70 سالہ خاتون کی جالندھر کے ایم ایچ اسپتال میں موت ہوگئی۔ اس کے علاوہ، مقامی نیو گرو نانک نگر کے ایک 73 سالہ شخص کی موت لدھیانہ کے نجی ہسپتال میں اور بھونگا بلاک کے ماچھیاں گاؤں کی رہنے والی 45 سالہ خاتون کی امرتسر کے گرو نانک میڈیکل کالج میں موت ہوگئی۔